Pengöne la lue qatre föe e Zilihu

A

me la pengö i nyidrö eko, tre, lue atre nyidro ceitun me eashë. Lue trejine nyidro. Ngo isa pëkö nekö i nyidro. Ngo ngön la nyidro a isa qatre föe hnei nyidro hna pane iwesitrë me ihelë. Nge ame lai, tre, hlapa ekö ceitun me hnapet. Ngo hnei qatre föe heatra hna helë qatre föe cipa. Ö nine lai qatre föe cipa,matre tro ni ië, nga tro ni a lapa ngön la ketre pun la hnapet, nge tro nyipo a lapa ngön la ketre pun. Ame hna cia jë la iwatratra qaathei nyidro. Ame la haetra, tre, kola ajan hnei nyiidro tro hë a pë nöj, nge ame qatre föe cipa, tre, aja i nyiidro troa hetre nöj, ke pi tro nyiidro a ce lapa me itre atr nge pi tro hë ketre a temoni. Xele kö ma troa atr ngo pi tro hë a temoni. Haawe ame nyidro, tre, thaa lue atre hmaca kö ngo lue temoni hë.

Haawe ame lai hnapeti cili, tre, thaa hnapet i itre atre hmaca kö ngo hnapet i temoni pëhë. Nge ame lo lai lue qatre föe, tre, thaa paatre kö iwatratra qaathei nyidro. Aja i haetra troa pë nöj nge aja i cipa troa hetre nöj. Maine hun la aja i qatre föe haetra, ame hna paatre pi lai hnapet cili a thaa hnapeti hmaca kö ngo hnagejë pena ha. E ketre drai, tre, nöjë hë nge kola cia la itre sinöe me haö me otretr nge itre waco me atr a tro agö ngön. Hune pena ha aja i qatre föe cipa. Maine caangömen lao treu kola tune lai. Sheshëkötre hmaca ha shë, paatre hmaca ha lo nöj, nge hnagejë hmaca ha, ke iwatratra lue qatre föe. Aja i ketre troa hetre nöj nge nge ajai i ketre troa pë hlapa, qaan la drai cili uti hi ngön la macatre 1939. Nge thatre kö shë la pun epin. Ame ekö la he i Hagen, tre, hna kaqa e cili ngöne lai hnapeti cili. Ame le eje ne lai he ekö ka kaqa e cili, tre, Memphis. 

                            Hna cinyihane hnei hnamiatr kacoco Sanyie qatr